沈日去左影相相呀

沈日去左影相相呀,去左龍古灘影,整到成身濕曬,

仲整到成身泥tim..我妹沈日放榜呀,佢會考13分,

學校比佢升中六,但佢話唔升,佢想重讀wor...,

之後佢去左其他比佢原本讀緊果間好ga學校報名,去到某間學校時,

才發現一件特別ga事..就係由細到大都唔知道原來我有表姐架,

仲要喺果度教書tim呀@,@ 之後可能有部份關於表姐啦,

我妹就入左呢間學校la~~~沈晚同屋企人食飯之後,

我就去左搵我ga好姊妹---寶寶...我地每次見到都唔知點解好多野講..

夜晚見都一定會坐喺佢屋企附近ga某地方,都一定一齊買宵夜,

跟住就傾計傾到3,4點先返屋企,由識佢到而家都已經9年la...時間真係過得快..

我地唔會有任何野隱瞞對方,可以話..佢知我ga野仲多過我屋企人...哈哈!!

因為大家有咩心事都會同對方講,不論大事小事,開心唔開心都好,都鐘意講餐飽架...

跟住今日先勁呀,我沈晚5點訓,訓到10點幾起左身,到下午2點幾又訓,

訓到頭先10點幾先起身,哈!原來我都幾訓得架喎^^